Sanín actualmente provee de ferramentas, tanto dentro como fóra de España. En Galicia, son sinónimo de tradición, calidade e excelencia. Participa activamente en feiras e mercados de artesanía en diferentes partes da Autonomía galega e de España. El vén tendo moito éxito en Francia, Alemaña, Italia, Portugal, onde expón no Mercado e Exposicións  de Artesanos o seu traballo anualmente. Tamén envía pedidos aos Centros Galegos de moitos países, especialmente nas Américas. As feiras son os lugares onde o público pode acceder a calquera elemento  directamente do fabricante, se non Sanín traballa para as casas de música ou para negocios de elementos tradicionais. É unha boa forma de coñecelo e facerse con algún bombo, ou quizais desas pandeiretas floreada que son unha beleza.

A súa obra destaca polo bo gusto, ademáis de que son pezas feitas a man, podemos falar dunha  orixinal e única. Os materiais utilizados son os mellores: madeiras, como piñeiro e nogueira e pel de cabra, para pandeiretas, tambores, bombos, etc. Para tarrañolas, pitos, castañolas utiliza buxo (BOJ), cocobolo, piñeiro, etc.

Son verdadeiras xoias cunha variedade de debuxos que fai a elección moi difícil. Na foto da esquerda, temos un dos “instrumentos  estrela". Pandeireta galega de nogueira feita a man. Un traballo precioso,  para o que busca un instrumento distinguido.

De xenio inquedo, mantense conectado ao seu traballo continuamente. Sempre buscando, creando novos proxectos, ampliando horizontes e medrando como  empresario. Un dos segredos do seu éxito é que non para no tempo e está aberto para saír do tradicional. Un grupo de adolescentes  pedíronlle pandeiretas "divertidas" para sair de festa. Mans preparadas, José deu renda solta á creatividade, coloreounas e decorounas con debuxos diferentes. O resultado un BOOM! Hoxe son as máis frecuentes, mesmo feitas para  grupos de baile tradicional e pandereteiras, que sempre usaran as clásicas en piñeiro ou noz.